ဥာဏ်နှင့်ယှဉ်၍ကြိုးစားခြင်း
ကံ၊ညဏ်၊၀ီရိယ သုံးမျိုးတွဲပြီး အသုံးပြုလို့ အောင်မြင်မှု ရရှိနိုင်ကြောင်းကို မုဆိုးသုံးယောက်ရဲ့ ပုံပြင်လေး တစ်ပုဒ်နဲ့ သာဓက ပြပါ့မယ်. .
မုဆိုးသုံးဦးမှာ တစ်ဦး က လုံ့လ၊ ၀ီရိယ၊ ဇွဲသမား ဇွဲကြောင့် သားကောင်ရတယ်. . တစ်ဦးက ကံသမားပဲ . . ဆယ်ခါတစ်ခါ သားကောင်ရတယ်. .. တစ်ယောက်ကတော့ ကံရော၊ လုံ့လ ၀ီရိယရော ၊ညဏ်ရော သုံးတယ်.
သူတို့ သုံးဦးကို ဘုရင်က သားကောင်အရ ပြိုင်ခိုင်းတယ်. .. ငါးရက်မှာ သားကောင်အရများသူကို အနိုင်ပေးမယ် လို့ ပြောပြီး တောနက်ထဲကို လွှတ်လိုက်တယ်. .
ဇွဲသမားက တောထဲရောက်တာနဲ့ မနားမနေ သားကောင်ရှာတာပဲ ၊ တောနက်ချုံနွယ်ကို မောကြီးပန်းကြီးတိုးတယ်. . သူဟာ တော်တော်နဲ့ သားကောင်မရဘူး . . . ဇွဲကြောင့် လမ်းမှာ သုံးရက်ကြာမှ သမင်တစ်ကောင်သာရတယ်. .
ကံသမားကတော့ အေးအေးပဲ၊ ကံကောင်းရင် ရမှာပဲ ဆိုပြီး ပါလာခဲ့တဲ့ သေရည်ကို မော့လိုက်. . သားကောင်သံ နားစွင့်လိုက် အနံ့ခံလိုက်နဲက လုပ်နေတာ လေးရက်မှာ ချေတစ်ကောင်ရတယ်. . .
ညဏ်သမားကတော့ သုံးရက်မှာ သားကောင် ကိုးကောင်ရနေပြီး ငါးရက်ပြည့တော့ နေပြည်တော်ကို အသီးသီးပြန်လာကြပါတယ်. .
ဘုရင်ကြီး က အကြောင်းစုံ ကို အသီးသီး မေးမြန်းပြီး သုံးတဲ့အခါမှာ အများဆုံးရတဲ့ မုဆိုးကို ရွာသုံးရွာစားခွင့် ပေးပြီး တိုင်းသူပြည်သားများကို ဆုံးမစကား တစ်ခွန်းပြောတယ်.. .
မုဆိုးကျော်ဟာ မြှားပစ်တော်ရုံသာမဟုတ် ညဏ်ပညာတော်သူလည်းဖြစ်တယ်. . . သူဟာ ညဏ်သုံးပြီး တိရစ္ဆာန် ရေသောက်ချိန်ကိုသိတယ်. . . ရေသောက်ချိန်မှာ ရေကန်ကနေ ချောင်းမြောင်းစောင့်တယ်. . .အစာရှာထွက်ချိန်၊ အိပ်တန်းပြန်ချိန် သူ့အချိန်နဲ့ သူနေရာဒေသာကို ညဏ်နဲ့ ယှဉ်သုံးတယ်. . ပြီးတော့ သူမကောင်းမှု လုပ်ပေမယ့် အဲသည် လုပ်ချိန်မှာ သေရည်ကို မသောက်သုံးဘူး. .
လူဆိုတာ ကံနဲ့ ၀ီရိယကို သာ သုံးနေလို့မဖြစ်ပါဘူး ၊ ညဏ်လည်းသုံးရတယ်. . ညဏ်မပါ ဘယ်ဟာမပြီးလို့ ပြောကြားလိုက်ပါတယ်. . . . အရာရာမှာ ညဏ်နဲ့ ယှဉ် ကြိုးစားရမယ်လေ. . အောင်မြင်မှု အပြည့်အ၀ ရအောင် ကြိုးစားခြင်တယ်ဆိုရင်တော့ ကံရယ်၊ ညဏ်ရယ်၊ ၀ီရိယရယ် ယှဉ်ပြီးတော့ ကြိုးစားရပါမယ်.
No comments:
Post a Comment